Cons. Phil. Book 3 Metrum 10
1 Huc omnes pariter uenite capti,
2 quos fallax ligat improbis catenis
3 terrenas habitans libido mentes:
4 Haec erit uobis requies laborum,
5 hic portus placida manens quiete,
6 hoc patens unum miseris asylum.
7 Non quicquid Tagus aureis harenis
8 donat aut Hermus rutilante ripa
9 aut Indus calido propinquus orbi
10 candidis miscens uirides lapillos
11 inlustrent aciem magisque caecos
12 in suas condunt animos tenebras.
13 Hoc, quicquid placet excitatque mentes,
14 infimis tellus aluit cauernis;
15 splendor quo regitur uigetque caelum
16 uitat obscuras animae ruinas;
17 hanc quisquis poterit notare lucem
18 candidos Phoebi radios negabit.